Një biznes i vërtetë familjar, Alpeta përfshin një kantinë familjare, bujtinë dhe restorant.
Në vitin 2018, kantina prodhoi rreth 50,000 shishe verë dhe ka bërë emër të mirë dhe furnizon restorante të shumta. Në vreshtat e gjera 5.5 hektarë, do të hasni disa lloje rrushi si, autoktonin shqiptar shesh i zi, varietetin Pulës së zonës së Beratit, rrush dimëror, kabërnet, merlot dhe muskat.
Në 2019 familja e shndërroi shtëpinë e tyre në dhoma fjetjeje për turistët dhe e shndërroi bodrumin e verës përtej rrugës në një restorant, ku të bie në sy përdorimi i gurit natyral, drurit dhe xunkthit në pjesën e brendshme.
Midis rreshtave të vreshtave, ju mund të shihni fiq të mëdhenj, ndërsa pjesët më të pjerrëta të tokës janë të mbuluara në ullinj. Përveç fiqve dhe ullinjve, në fermë ka edhe një mori pemësh frutore, si shegët, agrumet, arrat, lajthitë dhe bajamet, ndërsa një sërë koshere bletësh prej druri i lejojnë familjes të prodhojë mjaltin e vet.
Rrethinat më tutje ofrojnë mundësi për ecje në pyllin e Lepijës (2 deri në 3 orë), në kanionin e Dukovës (3 orë), ujëvarën e Sotirës (4 orë), në fshatin gati të shkretë të Sazhdanit (5 orë) ose për ekskursionistë me përvojë deri në Majën Partizani të malit të Tomorrit (6 orë deri në majë).
