Rreth nesh

Çfarë është agroturizmi?

Agroturizmi është një sektor në rritje që lidh vizitorët me bujqësinë, duke u ofruar atyre mundësinë për të përjetuar jetën rurale. Agroturizmi shkon përtej një pushimi të thjeshtë në fshat. Ai i fton mysafirët të angazhohen në aktivitete bujqësore dhe turistike, të shijojnë ushqime vëndase, të mësojnë rreth praktikave tradicionale bujqësore si edhe të përjetojnë magjinë e peizazheve të zonave rurale.

Agroturizmi në Shqipëri

Agroturizmi ka një rëndësi të veçantë për Shqipërinë. Me peizazhet e tij të larmishme, historinë e pasur dhe traditat bujqësore të rrenjosura thellë, ofron një mjedis ideal për këtë lloj turizmi. Shumë familje shqiptare e kanë punuar tokën për breza të tërë, duke kultivuar të mbjella autoktone dhe duke praktikuar metoda që janë përcjellë gjatë në kohë. Agroturizmi i lejon vizitorët të zbulojnë këto tradita dhe luan një rol jetësor në ruajtjen e tyre. Për Shqipërinë, agroturizmi është më shumë se thjesht një trend – është një mënyrë për të promovuar zhvillimin rural, për të mbrojtur biodiversitetin dhe për të mbështetur komunitetet lokale. Duke hapur dyert për turistët, fermerët shqiptarë mund të ndajnë traditat e tyre duke krijuar mundësi të reja ekonomike. Vizitorët, nga ana tjetër, përjetojnë një lidhje me tokën, njerëzit dhe shijet që e bëjnë Shqipërinë unike. Në këtë platformë ju do te gjeni një varietet të gjerë të bizneseve që operojnë në zonat rurale siç janë stukturat agroturistike, bujtina, restorante dhe struktura kampingu.

është numri mesatar i vizitorëve në një agroturizëm në vit

0 +

e stafit të agroturizmeve janë vajza dhe gra

0 %

e sipërmarrjeve kultivojnë varietete autoktone

0 %

anëtarë të Shoqatës së Agroturizmit Shqipëri

0 +

e sipërmarrësve në agroturizëm janë të rinj nën 40 vjeç

0 %

është numri i fermerëve nga të cilët furnizohet një agroturizëm

Shoqata e Agroturizmit Shqipëri

“Shoqata e Agroturizmit Shqipëri” themeluar më 9 Mars të vitit 2022 ka si mision të mbrojë interesat e njësive agroturizëm, si edhe të kontribuojë në zhvillimin e mëtejshëm dhe të qëndrueshëm të industrisë së agroturizmit duke përfshirë edhe sektorët bujqësi dhe turizëm. Qëllimi kryesor i shoqatës është rritja e industrisë së agroturizmit, nëpërmjet ngritjes së kapaciteteve njerëzore dhe transferimit të njohurive, marketingut, vendosjes së standardeve, rritjen e të ardhurave për të ofruar një kontribut social-ekonomik në zonat rurale.

Veprimtaria që shoqata mbulon është këshillimi në interesat e njësive agroturizëm, lobimi, promovimin, dhe forcimi i imazhit të Shqipërisë Agroturistike. Shoqata e Agroturizmit sot numëron mbi 90 anëtarë të sipërmarrjeve agroturistike, ku të gjithë bashkë funksionojmë si një formë rrjetëzimi, që përfshin partner ndërveprues dhe partner mbështetës. E udhëhequr nga një plan konkret operacional, propozime që prekin aspekte ligjore, fiskale, propozime për bashkë-vendimmarrje (qeverisje) dhe projekte që vijnë në ndihmë të njësive agroturistike. Synimi është vendosja e identitetit, udhëheqjes nga parimet e agroturizmit, origjinaliteti, tradita, kultura, natyra dhe sigurisht rrënjët tona. Parimi që udheheq shoqatën është “Të qenurit të gjithë bashkë në një bosht na forcon, e duke qënë të fortë synojmë të jemi faktor në zhvillmin e zonave rurale, krijimin e një profili të vetëm të agroturizmit në Shqipëri”.

Rreth nesh

Çfarë është agroturizmi?

Agroturizmi në Shqipëri

Shoqata e Agroturizmit Shqipëri

Menu

Kreu

Rreth Nesh

Ferma Agroturistike

Kampe

Ture