Agroturizmi n’Kanu, i vendosur në zemër të pyjeve të fshatit Perlat, vetëm 10 km larg Rrëshenit, është një destinacion që ofron një përvojë të paharrueshme, ku natyra, historia dhe mikpritja tradicionale ndërthuren në një harmoni të veçantë.
Nisur që në vitin 1997, familja hapi dyert si një agroturizëm i mirëfillte, për të mirëpritur mysafirë nga e gjithë bota në 2022. Duke ofruar një oaz qetësie dhe autenciteti, ku secili detaj është menduar për t’ju afruar më shumë jetës së vjetër malësore dhe pasurive të natyrës shqiptare.
I rrethuar nga malet e mëdha si ai i Munellës, Dejës dhe Skënderbeut, ky vend i ofron vizitorëve mundësinë për të eksploruar natyrën e paprekur, të shijojnë kulinari tradicionale dhe të zhyten në histori. Këtu mund të shijoni receta shekullore dhe të reja, ku përbërësit kryesorë janë krpudhat, të cilat janë të përzgjedhura dhe të njohura nga z. Ermal, një ekspert i kërpudhave.
Mund të shijoni këto delikatesa dhe të merrni pjesë në turet e kërpudhave, që do t’ju çojnë thellë në pyjet e Mirditës, ku do të mësoni të gjitha sekretet e kerpudhave dhe pasurive të tjera natyrore.
Arkitektura tradicionale e agroturizmit, që i ngjan kullës së vjetër veriore, e bashkon historinë dhe modernitetin, duke e bërë atë një vend të veçantë, që tërheq vizitorët. Agroturizmi n’Kanu është më shumë se një destinacion turistik – është një mundësi për të përjetuar kulturën dhe traditat e veriut, për të eksploruar natyrën në formën e saj më të pastër dhe për të shijuar mikpritjen që vetëm ky rajon mund ta ofrojë.
