Kantina Enol gjendet vetëm 30-minuta larg me makinë nga Tirana, jo shumë larg nga aeroporti, në fshatin Prezë.
Enol është bashkimi i emrave Eni dhe Olsi, fëmijët e pronarit dhe themeluesit të punishtes së verës, Qemal Alushit, që reflekton natyrën familjare të fermës, restorantit dhe verës. Si i vetmi nga katër vëllezërit pa arsim të lartë, ai provoi dorën në disa profesione përpara se të vendoste të ndiqte pasionin e tij të vjetër për verën dhe ëndrrën e tij për ta prodhuar atë vetë.
Nga qilari i verës, një shkallë prej druri të çon deri në restorant. Tryezat e mëdha familjare prej druri me mbulesa të kuqe tavolinash, i japin dhomës një ndjenjë të ngrohtë, pavarësisht madhësisë, ndërsa tufat me lule të egra të freskëta në çdo tryezë shtojnë një prekje të këndshme.
Gatimet në restorant nuk përgatiten vetëm duke përdorur përbërës lokalë dhe organikë. Për të formuar një ide të qartë për gatimet e restorantit, provoni antipastën e shtëpisë, një pjatë antipaste e përzier, si edhe përzgjedhjet e shumta të djathit dhe byrekut të shtëpisë. Në vitin 2018 familja e zgjeroi biznesin e vet duke shtuar disa dhoma për vizitorë.
Për të eksploruar rrethinat në një udhëtim të vogël me këmbë, vizitoni rezervuarin aty pranë. Për më tepër, nëse vizitoni në fillim të shtatorit gjatë vjeljes, mund të merrni pjesë në festivalin e verës, gjatë të cilit vizitorët mund të zgjedhin rrush dhe ta shtypin me këmbë, sipas mënyrës tradicionale. Në çdo rast, edhe ata që vijnë për një vakt dhe për të pirë diçka do të largohen me një përvojë të paharrueshme nga ambienti i bukur i Kantinës Enol, ushqimit të shijshëm dhe verës së shkëlqyer.
