Ferma Kokomani u themelua fillimisht si një kantinë vere duke prezantuar në tregun shqiptar tri llojet e verërave: Shesh i Zi, Shesh i Bardhë dhe Saint Michael (Shën Mhill). Duke parë për vite me radhë komentet pozitive mbi këto produkte, si edhe çmimet e para në panairet e organizuara nga Ministria e Bujqësisë, u mendua t’u ofrohej klientëve edhe një shërbim tjetër, në ambientet e kantinës sonë.
Kështu lindi ideja e Agroturizmit, një restorant me pjata tradicionale shqiptare. Disponohet për klientët dhe turistët që vizitojnë fermën, ture rreth kantinës dhe vreshtave, një sallë degustimi brenda kantinës, ku mund të shijojnë ushqimet dhe verërat tona, si edhe tre ambiente të jashtme në natyrë, për të drekuar ose darkuar.
Menu
